„საფრანგეთი დიდი ბრიტანეთს მკაცრი სანქციებით ემუქრება... თევზჭერასთან დაკავშირებული დავის გამწვავების გამო“, - წერს ბრიტანული „ფაინენშელ თაიმსი“ (Financial Times) 28 ოქტომბრის ნომერში გამოქვეყნებულ სტატიაში სათაურით „საფრანგეთმა დიდ ბრიტანეთს ბოლო ვადა დაუწესა: ვის აქვს თევზჭერის უფლება?“ (ავტორები - ლეილა აბუდი და ენდი ბრაუნდსი).

„კავკასიონის მყინვარების ფართობი 2000 წლიდან 2020 წლამდე პერიოდში 23±4%-ით შემცირდა, ანუ დაახლოებით 1382 კვ.კმ-დან 1061 კვ.კმ-მდე. მყინვარების დნობის სიჩქარემ კი, თუმას 1911-1960 წლების პერიოდთან შევადარებთ, 21-ე საუკუნეში ოთხჯერ მოიმატა - ასეთ სამწუხარო დასკვნამდე მივიდნენ გლაციოლოგები, რომლებმაც კავკასიის მთავარი ქედის მყინვარების დეგრადაციის დაჩქარება პლანეტის ტემპერატურისა და მზის რადიაციის ზრდას დაუკავშირეს“, - ნათქვამია ევროკავშირის ეგიდით გერმანიაში გამომავალი ჟურნალის The Cryosphere-ს სტატიაში სათაურით „დიდი კავკასიის მყინვარების ფართობის ცვლილებები ბოლო ოცი წლის განმავლობაში“ (ავტორები - ლევან თელიძე, გენადი ნოსენკო, ფრენკ პაული).